එයාර්ටෙල් වෙතින් නොමිලේ ඇමතුම් සහ ඬේටා ප‍්‍රතිලාභ

Tuesday, 2 June 2020

ගංවතුරින් විපතට පත් ප‍්‍රදේශවල පරිශීලකයින්ට එයාර්ටෙල් වෙතින් නොමිලේ ඇමතුම් සහ ඬේටා ප‍්‍රතිලාභ

‘අම්ෆන්‘ සුළි කුණාටුව හේතුවෙන් ඇති වූ ගංවතුර සහ නායයෑම්වලට ප‍්‍රතිචාර වශයෙන් නොමිලේ ඇමතුම් කාල හා ඬේටා ලබා දීමෙන් එහි පාරිභෝගිකයින්ට උපකාර කිරීමට එයාර්ටෙල් සමාගම කටයුතු කර ඇත. නුවරඑළිය හා රත්නපුර දිස්ත‍්‍රික්කවල විපතට පත් 23කට අධික නගර සංඛ්‍යාවක වෙසෙන පාරිභෝගිකයින්ට මෙම ප‍්‍රතිලාභය ලබා දෙන ලදී.මෙම වැඩසටහන පිළිබඳව අදහස් දක්වමින් එයාර්ටෙල් හි ප‍්‍රධාන විකුණුම් නිළධාරී, චන්ද්‍රශේකර් සිංග් චෞහාන් මහතා ‘‘මෙම අයහපත් කාලගුණික තත්වයෙන් දැඩි ලෙස පීඩාවට පත් වූ අපගේ පාරිභෝගිකයින්ගේ යහපැවැත්ම ගැන අප දැඩි ලෙස සැලකිලිමත් වනවා. විශේෂයෙන්ම අම්ෆන් කුණාටුව මෙන්ම දැනට පවතින කොවිඞ්-19 වසංගතය යන කාරණය සමඟ ඔවුන්ට කටයුතු කිරීමට සිදුවන බව ගැන සිතා බැලීමේදී අපගේ පාරිභෝගිකයින්ට ආරක්ෂිතව සිටීමට සහ මෙම අසීරු කාලයේදී සම්බන්ධතාවය පවත්වා ගැනීමට සහාය වීම වැදගත් ප‍්‍රමුඛතාවයක් බව, එයාර්ටෙල් අපට හැඟී ගියා.’’ යනුවෙන් පැවසුවේය.

රටේ වෙනත් ප‍්‍රදේශවල සිටින එයාර්ටෙල් පරිශීලකයින්ට ‘My Airtel’ යෙදුම හරහා විපතට පත් වී සිටින ඔවුන්ගේ මිතුරන්ගේ හා පවුලේ සාමාජිකයින්ගේ ගිණුම් recharge කිරීමෙන්, ඔවුන්ගේ ණය බෙදාගැනීමෙන් හෝ බිල්පත් ගෙවීම මගින් සහන සැලසීමේ කාර්යයට සම්බන්ධ විය හැකිය. අමතර ප‍්‍රතිලාභයක් ලෙස, වෙනත් පාරිභෝගිකයෙකු වෙනුවෙන් ‘My Airtel’ යෙදුම හරහා සිදු කරන recharge කිරීමකදී, දැනටමත් තමාගේ ක්‍රෙඩිට් බෙදාහදා ගන්නා පරිශීලකයින්ට හිමි වන වට්ටම් සහ දීමනා ප‍්‍රවර්ධනයන් සඳහා ඒ ආකාරයෙන්ම හිමිකම් කීමට අවස්ථාව ඇත.

‘My Airtel’ යනු ශ්‍රී ලංකාවේ එයාර්ටෙල් ග‍්‍රාහකයින් සඳහා නිර්මාණය කර ඇති නොමිලේ ලබා දෙන සේවා යෙදුමකිx මෙම යෙදුම හරහා ග‍්‍රාහකයින්ට ඔවුන්ගේ පරිශීලක ගිණුම් වෙත පිවිසීමට, දත්ත භාවිතය නිරීක්ෂණය කිරීමට, recharge කිරීමට, බිල් ගෙවීමට සහ සංගීතය හා චිත‍්‍රපට රස විඳීමට හැකි සියල්ල ඒකාබද්ධ කළ භාවිතයට පහසු වේදිකාවක් වේ.

භාරතී එයාර්ටෙල් ලංකා සමාගම

2009 ජනවාරි 12 වැනි දින ශ‍්‍රී ලංකාවේ ව්‍යාපාර කටයුතු ආරම්භ කළ භාරතී එයාර්ටෙල් ලංකා, ග‍්‍රාහකයින් මිලියන 01ක් ඉතාමත්ම ඉක්මනින් සම්පූර්ණ කළ ජංගම සන්නිවේදන සේවා සමාගමයි. වර්ෂ තුනක් වැනි කාලසීමාවක් තුළ සිය ශ්‍රේණිගතවීම ඉහළ නංවාගත් එයාර්ටෙල් සමාගම රට පුරාම සිය ආවරණය පුළුල් කරගනිමින් ශ‍්‍රී ලංකාවේ වේගවත්ම ජංගම සන්නිවේදන සේවා ජාලය බවට පත්විය. වර්තමානයේදී එයාර්ටෙල් සමාගම උසස් තත්ත්වයේ සහ සාධාරණ මිල ගණන් යටතේ හඩ සහ දත්ත සේවාවන් ලබා දෙන අතර, ශ‍්‍රී ලංකා ආයෝජන මණ්ඩලය සමග ලියාපදිංචි වෙමින් මෙරට වඩාත් වේගවත් හා පුළුල් ආවරණයක් හිමි ජංගම විදුලි සංදේශ සේවා සමාගමක් බවට පත්ව තිබේ. වැඩි විස්තර ස`දහා www.airtel.lk වෙත පිවිසෙන්න.