ලෝක කුසලානය සඳහා නම් කිරීම් සඳහා තමන්ගේ මැදිහත්වීමක් නැහැ. ඇමති හරින්

Friday, 19 April 2019

ලෝක කුසලානය සඳහා නම්කර ඇති ශ්‍රී ලංකා සංචිතය තේරීම සඳහා තමන්ගේ මැදිහත්වීමක් නොවූ බව ක්‍රීඩා ඇමැති හරීන් ප්‍රනාන්දු මහතා සඳහන් කරයි. ‍

ශ‍්‍රී ලංකා ක්‍රිකට් තේරීම් කමිටුව විසින් තෝරන ලද කණ්ඩායමට අනුමැතිය ලබා දීම පමණක් තමන් විසින් කරන ලද බවද ඔහු පවසයි.

දිමුත් කරුණාත්රන නායකත්වය සඳහා පත්කර ඇත්තේ ශාන්ත ජෝසප් විදුහලේ ඒ නිසා බවට පළවන සමාජ ජාල වාර්තා ඇමතිවරයා ප්‍රතික්ෂේප කරමින් පවසන්නේ තිසර පෙරේරා මෙන්ම ඇන්ජලෝ මැතිවුස්ද එම පාසලේ ක්‍රීඩකයන් බවයි.

කණ්ඩායම තෝරා ගැනීමේ ක්‍රියාවලියට ආගම සහ වෙනත් තර්ක ඉදිරිපත් කිරීම ගැන කණගාටු වන බව ද සඳහන් කරන ඔහු දිමුත් කරුණාරත්න බෞද්ධයෙක් බව ද සඳහන් කරයි.

එමෙන්ම හොඳම නායකයා හොඳම ක්‍රීඩකයා විය නොහැකි බවත් හොදම ක්‍රීඩකයා හොඳම නායකයා නොවන බව තමන් විශ්වාස කරන බව ද ක්‍රීඩා ඇමතිවරයා තවදුරටත් සඳහන් කරයි.

කම ෆේස්බුක් ගිණුමේ සටහනක් තබමින් ක්‍රීඩා ඇමැතිවරයා මෙම අදහස් පල කරන්නේ ඊයේ දිනයේ නම් කරන ලද ලෝක කුසලාන ක්‍රිකට් සංචිතය සම්බන්ධයෙන් සමාජ ජාල වල එල්ල වන දැඩි විරෝධයට ප්‍රතිචාරයක් ලෙසයි.