2026 ஆம் ஆண்டு டிசெம்பர் மாதத்தில் நடத்துவதற்குத் திட்டமிடப்பட்டுள்ள, நாட்டின் அனைத்துத் தேசிய மற்றும் மாகாணப் பாடசாலைகளில் சேவையாற்றும் இலங்கை ஆசிரியர் சேவை உத்தியோகத்தர்களுக்கான III ஆம் வினைத்திறன் தடைத்தாண்டல் பரீட்சைக்கான வர்த்தமானி அறிவித்தல் 2026.08.21 ஆம் திகதி வெளியிடப்பட்டுள்ளது.
இவ்வினைத்திறன் தடைத்தாண்டல் பரீட்சைக்காக, 2026.08.25 ஆம் திகதி முதல் 2026.09.14 ஆம் திகதி வரை விண்ணப்பங்களை, இலங்கைப் பரீட்சைத் திணைக்களத்தின் உத்தியோகபூர்வ இணையத்தளத்திற்குப் பிரவேசித்து, இணையவழி முறையில் சமர்ப்பிக்கலாம்.
இலங்கை ஆசிரியர் சேவையினதும், மாகாண அரச சேவைகளின் ஆசிரியர் சேவையினதும் தரம் 2 வகுப்பிலிருந்து தரம் I வகுப்பிற்குப் பதவியுயர்வு பெற்று நான்கு (04) ஆண்டுகள் நிறைவடைவதற்கு முன்னர், III ஆம் வினைத்திறன் தடைத்தாண்டல் பரீட்சையைப் பூர்த்திசெய்தல் வேண்டும்.
அத்தோடு, தரம் 2 இலிருந்து தரம் I இற்குப் பதவியுயர்வு பெற்று நான்கு (04) ஆண்டுகள் கடந்துள்ள போதிலும், 2025.06.30 ஆம் திகதிக்குப் பின்னர் தரம் I இற்கான பதவியுயர்வு கிடைக்கப்பெறும் ஆசிரியர்களும், தரம் I இற்குப் பதவியுயர்வு பெறுவதற்காக III ஆம் வினைத்திறன் தடைத்தாண்டல் பரீட்சைத் தகுதியைப் பூர்த்திசெய்தல் வேண்டும்.
இவ்வினைத்திறன் தடைத்தாண்டல் பரீட்சைக்குரிய சுயகற்றல் மொடியூல்களின் பாடத்திட்டம், வர்த்தமானி அறிவித்தலில் குறிப்பிடப்பட்டுள்ளவாறு, கல்வி அமைச்சின் e-thaksalawa உத்தியோகபூர்வ இணையத்தளத்தில் பதிவேற்றம் செய்யப்பட்டுள்ளது.
இப்பரீட்சைக்குத் தோற்றும் பரீட்சார்த்திகளுக்குச் சுயகற்றல் முறைமை பரிந்துரைக்கப்படுவதோடு, கீழே குறிப்பிடப்பட்டுள்ள இணைப்பு (Link) மூலமாக e-thaksalawa இணையத்தளத்திற்குப் பிரவேசித்து, அதில் III ஆம் வினைத்திறன் தடைத்தாண்டல் பரீட்சையின் கீழ் கொடுக்கப்பட்டுள்ள பாட விடயங்களைக் கற்று, பரீட்சைக்குத் தோற்றுமாறு ஊக்குவிக்கப்படுகின்றனர்.
https://e-thaksalawa.moe.gov.lk/lcms/course/index.php?categoryid=125
