නත්තල් කේක් මිශ්‍ර කිරීමේ එහි ප්‍රථම සාම්ප්‍රදායික උත්සවය සමඟින් උදාවන උත්සව සමය ඉතා ආකර්ෂණීය අයුරින් ආරම්භ කිරීමට Nüwa at City of Dreams Sri Lanka පසුගියදා කටයුතු කරන ලදී.

නත්තල් සම්ප්‍රදායන්ගේ සුන්දරත්වය මෙන්ම සිය උසස්, සුඛෝපභෝගී අත්දැකීම මනාව ප්‍රදර්ශනය කිරීමට Nüwa at City of Dreams මේ තුලින් සමත් විය.

ප්‍රණීත ආහාර පාන හා විවිධ කොක්ටේල් වර්ග සමඟින් සාම්ප්‍රදායික නත්තල් කේක් මිශ්‍ර කිරීමේ චාරිත්‍රයට මුල් තැන දෙමින් ඉතා උත්කර්ෂවත් ලෙස පැවති මෙය ඉදිරි උත්සව සමයේ සතුට, විනෝදය සහ එකමුතුකම සනිටුහන් කළ සුවිශේෂී ආරම්භයක් ලෙසද පෙන්වා දිය හැකිය.

Nüwa at City of Dreams Sri Lanka හි කළමනාකාර තක්ෂිල ගලප්පත්ති මහතා ඉදිරි උත්සව සමය පිළිබඳව අදහස් දක්වමින් සඳහන් කර සිටියේ ‘’Nüwa at City of Dreams Sri Lanka හි නත්තල යනු උත්සවය අවසන් වූ පසුවත් අපගේ අමුත්තන්ගේ මතකයේ සදාකාලිකව රැඳෙන සුන්දර අවස්ථාවන් නිර්මාණය කිරීමයි. ඉතා සැලසුම්සහගතව සූදානම් කළ උත්සව අත්දැකීම්, සුවිශේෂී ආහාර පාන මෙන්ම අපටම ආවේණික වූ සුහදශීලී ආගන්තුක සත්කාරය සමඟින්, ආදරය සහ සතුට පිරි අමතක නොවන උත්සව සමයක් වෙනුවෙන් සියලු අමුත්තන්ව පිළිගැනීමට අප බලාපොරොත්තුවෙන් සිටිනවා. අපගේ මෙම ප්‍රථම නත්තල් කේක් මිශ්‍ර කිරීමේ චාරිත්‍රය, ඉතා සුවිශේෂී හා ප්‍රීතිමත් උත්සව සමයක සුන්දර ආරම්භයක් පමණයි.’’ යනුවෙනි.

අසිරිමත් නත්තලට ඇත්තේ තවත් දින කිහිපයකි. ගෙවෙන සෑම දිනයකම සුවිශේෂී අත්දැකීම් සහ තමන්ටම ගැලපෙන උසස් ආගන්තුක සත්කාරයන් සමඟින්, පැරණි සම්ප්‍රදායන් සහ නවීන සුඛෝපභෝගී බව මුසුවූ අපූරු උත්සව සමයක් අත්විඳීමට Nüwa at City of Dreams Sri Lanka සියලු‍ දෙනාට ඇරයුම් කර සිටියි.