ශ්රී ලංකාවේ නැගී එන නවීන ප්රවාහන සේවා ජාලයක් වන DropMe, සිය ජාතික ව්යාප්ති ගමනේ තවත් සුවිශේෂී සන්ධිස්ථානයක් සනිටුහන් කරමින් කළුතර දිස්ත්රික්කයේ සිය මෙහෙයුම් නිල වශයෙන් ආරම්භ කරන ලදී. ඒ වෙනුවෙන් පැවැත්වූ උත්කර්ෂවත් සමාරම්භක උළෙල පානදුර නගරයේදී පසුගියදා පැවැත්විණි.
මෙහිදී අදහස් දැක්වූ DropMe සභාපති එම්.එස්.ඒ. මුනීර් මහතා සඳහන් කළේ, සේවා සපයන්නන්ට මෙන්ම පරිශීලකයින්ටද එකසේ ප්රතිලාභ ලැබෙන සහ දේශීය ආර්ථික සංවර්ධනයට දායක වන ප්රවාහන පද්ධතියක් ගොඩනැගීම තම අරමුණ බවයි. දේශීය නායකයින්, වෙළඳ ප්රජාව සහ බලධාරීන් සමඟ සමීපව කටයුතු කරමින් වගකීම් සහගත වර්ධනයක් කරා ගමන් කිරීමට DropMe කැපවී සිටියි.
රියදුරු සවිබල ගැන්වීම සහ උසස් මගී අත්දැකීමක්
DropMe ව්යාපාරික ආකෘතිය නිර්මාණය වී ඇත්තේ රියදුරු කේන්ද්රීය පදනමක් මතය. රියදුරන්ට ඉහළ ආදායම් මාර්ග, ක්රමවත් සහයෝගය සහ වෘත්තීය දියුණුව ලබා දෙන අතරම, මගීන්ට ආරක්ෂිත, විනිවිදභාවයකින් යුත් සහ සුවපහසු ගමන් අත්දැකීමක් සහතික කිරීම මෙහි අරමුණයි. සාධාරණ මිල ගණන් සහ නවීන තාක්ෂණය භාවිත කරමින් මගීන් සහ රියදුරන් කාර්යක්ෂමව සම්බන්ධ කිරීමට DropMe කටයුතු කරයි.
කළුතර දිස්ත්රික්කයේ රියදුරන්ට ආරාධනයක්
දැන් ක්රියාත්මක වන මෙම සේවාව සමඟ එක්වන ලෙස පානදුර ඇතුළු කළුතර දිස්ත්රික්කයේ සියලුම ත්රිරෝද රථ, කුලී රථ සහ අනෙකුත් සුදුසු වාහන හිමියන්ට DropMe විවෘත ආරාධනයක් කර සිටියි. DropMe සමඟ ලියාපදිංචි වීමෙන් පුළුල් පාරිභෝගික පදනමක්, මෙහෙයුම් සහය සහ නවීන ප්රවාහන ජාලයක කොටස්කරුවෙකු වීමේ අවස්ථාව හිමිවේ.
ශ්රී ලංකාවේ නාගරික සහ ප්රාදේශීය ප්රවාහන ක්ෂේත්රය නව්යකරණය කරමින්, සෑම ගමනක්ම අර්ථවත් කිරීමට DropMe සැදී පැහැදී සිටියි.
දේශීය අවශ්යතාවලට සරිලන ආරක්ෂිත, විශ්වසනීය සහ තිරසාර ප්රවාහන විසඳුම් ලබා දීමේ DropMe දැක්මට ආයතනික සහ මහජන සහයෝගය ලබා දෙමින් සම්භාවනීය අමුත්තන් රැසක් මෙම අවස්ථාවට එක්ව සිටියහ.
එම අවස්ථාවට සහභාගී වූ ප්රමුඛ පෙළේ ආරාධිතයින් අතර:
- හේමකුමාර පෙරේරා මහතා – සභාපති, පානදුර නගර සභාව
- එම්.එස්.ඒ. මුනීර් මහතා – සභාපති, DropMe (Pvt) Ltd
- රජිත ප්රදීප් මහතා – උප සභාපති, පානදුර නගර සභාව
- සුදත් දමයන්ථ මහතා – නගර සභා මන්ත්රී සහ නව ලංකා නිදහස් පක්ෂ පානදුර ප්රධාන සංවිධායක
- ලලිත් සුදින්න මහතා – සභාපති, පානදුර එක්සත් වෙළඳ සංගමය
සාම්ප්රදායික පොල්තෙල් පහන දැල්වීම, පාර්ශවකරුවන් දැනුවත් කිරීම සහ රියදුරන් ලියාපදිංචි කිරීමේ වැඩසටහන් සමඟින් මෙම උළෙල උත්කර්ෂවත් අන්දමින් පැවැත්වුණි.